گاڤ

به‌نكا UBS مه‌زنترین به‌نك ل سویسرا ئۆفه‌ره‌ك ب بهایێ ملیار دۆلاران بۆ كڕینا به‌نكا كریدت سویس یا كو به‌ره‌ڤ ئیفلاسبوونێ ڤه‌ دچیت، پێشكێشكر.

به‌نكا كریدت سویس یا سویسرى پشتى نه‌سه‌قامگیریا د كه‌رتێ به‌نكى یێ جیهانێ دا پشتى ئیفلاسبوونا به‌نكا سیلیكۆن ڤالى ل ئه‌مریكا هه‌روه‌سا ژ به‌ر ئاشكراكرنا به‌نكا ئه‌هلى یا سعوودى خۆدانا مه‌زنترین پشكان تێدا كو ئه‌و وه‌به‌رهێنانێن زێده‌تر ناكه‌ته‌ دناڤ به‌نكێ دا، ل بن گه‌فێن تێكچوونا ره‌وشا دارایى و ئیفلاسبوونێ یه‌.

رۆژنامه‌یا فاینانشیال تایمز یا بریتانى به‌لاڤكریه‌؛ به‌نكا UBS ئۆفه‌ره‌ك ب بهایێ ملیار دۆلاران ب كڕینا كریدت سویس پێشكێشكریه‌ لێ ئه‌و به‌نكه‌ ڤێ ئۆفه‌رێ ب نزم دبینیت.

دیار ژى كریه‌؛ كریدت سویس ژ قه‌یرانێن مه‌زن دنالیت و یو بى ئێس ئۆفه‌ره‌كا كڕینێ ب بهایێ 0.25 فره‌نكێن سویسرى بۆ هه‌ر پشكه‌كا وێ Shares پێشكێشكریه‌ و ئه‌ڤه‌ گه‌له‌ك كێمتره‌ ژ بهایێ هه‌ر پشكه‌كا وێ ل گه‌ل داخستنا رۆژا ئه‌ینیێ كو 1.86 فره‌نك بوون.

كریدت سویس رێژه‌یا 98% ژ بهایێ بازارى یێ خۆ هه‌ر ژ سالا 2007 تا نوكه‌ پشتى زنجیره‌یه‌كا قه‌یرانان ژده‌ستدایه‌.