وه‌زاره‌تا ساخله‌میێ پێشخستن و پاشخستنا ژدایكبوونێ بۆ رێكه‌فتێن جوان قه‌ده‌غه‌كر
03/22/2023 - 22:02
بەلاڤ بکە
گاڤ
وه‌زاره‌تا ساخله‌میێ یا هه‌رێما كوردستانێ بڕیارا قه‌ده‌غه‌كرنا پێشخستن یان پاشخستنا نشته‌رگه‌ریێن زارۆكبوونێ بۆ رێككه‌فتێن جوان دا.
هنده‌ك دایكان داخوازا بله‌زكرنا ئه‌نجامدانا نشته‌رگه‌ریێن ژدایكبوونێ یان گیرۆكرنا وان دا كو د رێككه‌فتێن جوان وه‌كى 3-3-2023 دا بن كرینه و وه‌زاره‌تێ ئه‌ڤ چه‌نده قه‌ده‌غه‌كر.
د نڤیساره‌كا وه‌زاره‌تێ دا هاتیه؛ ژ بۆ پاراستنا به‌رژه‌وه‌ندى و سلامه‌تیا دایكان و زارۆكێن ژ نوى ژدایكدبن، ئاگه‌هداریا هه‌مى نه‌خۆشخانه‌یێن كه‌رتێ گشتى، كه‌رتێ تایبه‌ت و پزیشكان دكه‌ین كو ل دویڤ به‌لگه‌یێن پزیشكى و كلینكى بچن ژ بۆ رێگریێ ل ب له‌ز ئه‌نجامدانا نشته‌رگه‌ریێن زارۆكبوونێ یان گیرۆكرنا وان.
ئاشكرا ژى كریه؛ نه‌خۆشخانه و نوشدار د حاله‌تێ سه‌رپێچیێ دا دێ رویبروى رێكارێن یاسایى هێنه كرن.
