ساخلهمیا جیهانى: مهترسیا بهلاڤبوونا كولێرایێ ههیه
گاڤ
رێكخستنا ساخلهمیا جیهانى رادگههینیت، مهترسیا بهربهلاڤبوونا كولێرایێ ل سهر ئاستێ جیهانێ د زێدهبوونهكا بهرچاڤ دایه.
كولێرا چى یه؟
كولێرا نهخۆشیهكا بهكتریایى یه، ب شێوهیهكێ گشتتى ب رێكا ئاڤا پیس و ژههراویبوونێ بهلاڤ دبیت و دبیته ئهگهرێ زكچوونهكا توند و هشكبوونێ و ئهگهر نهخۆش نههێته چارهكرن د ههیاما چهند دهمژمێرهكان دا دێ ژیانا خۆ ژ دهست ددهت و ساخلهمیا وى چهند یا باش بیت خۆ ل بهر ناگریت.
رێكخستنا ساخلهمیا جیهانى ئاشكرادكهت، تا نوكه ژى بۆ بهرسینگگرتن و رووبرووبوونا كولێرایێ ئهو ل ژێر فشارانه، ئهگهر ژى بۆ كێمیا ژێدهران ل سهر ئاستێ جیهانێ و كێمیا ڤاكسینا ل دژى كولێرایێ ڤهگهڕاند.
ههروهسا ساخلهمیا جیهانى دیاركریه، مهترسیا تووشبوون ب كولێرایێ ل سهر ئاستێ جیهانێ گهلهك زێدهبوویه و ههژمارا حالهتێن بهلاڤبووین ژ روویێ جوگرافى ڤه بهرفرههتر بوویه.
دایهزانین ژى نوكه كولێرا ل 24 وهلاتان بهربهلاڤه و پتریا وان ل ئهفریكیا و رۆژههلاتا ناڤهڕاستن و پترین زیانێن ل دووف خۆ دهێلیت ژى ههر ل وان وهلاتانن.