تۆیۆتا بڕیارهك ل دۆر ترۆمبێلا كامرى دا
گاڤ
كۆمپانیا تۆیۆتا یا ژاپۆنى یا بهرههمئینانا ترۆمبێلان بڕیارهك ل دۆر بهرههمئینانا ترۆمبێلێن كامرى دا.
رۆژنامهیا نیكى ژ كۆمپانیێ ڤهگوهاستیه؛ تۆیۆتا بۆ بریكارێن خۆ ل ژاپۆنێ راگههاندیه كو ل گهل ب دویماهیك هاتنا ئهڤ ساله، ئهو دێ بهرههمئینانا كامریێ بۆ ناڤخۆیا ژاپۆنێ راوهستینیت و بهرههمئینانا وى جۆرێ ترۆمبێلێ ب تنێ دێ بۆ هناردهكرنێ بۆ ژ دهرڤه بیت.
دیار ژى كریه؛ ئهڤ بڕیاره دێ قووناغ ب قووناغ هێته بجهئینان و د نوكه دا تۆیۆتایێ پتریا داخوازیێن بریكاران ل سهر ئاستێ ژاپۆنێ كهنسلكرینه و مودێلێن نوى یێن كامریێ ب تنێ دێ بۆ بازارێن دهرڤه بن.
ل گۆرهى داتایێن تۆیۆتایێ؛ كامرى ل پتر ژ 100 وهلاتان دهێته فرۆشتن و تا دویماهیا سالا 2022 پتر ژ 21 ملیۆن كامریان د وێ سالێ دا هاتینه فرۆشتن.
كامرى وهكى كۆرۆلایێ، ترۆمبێلهكا سهرهكى یا كۆمپانیێ یه و بهایێ نویترین مودێلێن وێ ل ژاپۆنێ دناڤبهرا 26400 تا 35450 دۆلاران دایه.