راپۆرتهك: ژمارهیا ملیاردێران ل جیهانێ د سالا 2022 دا بهرهڤ كێمبوونێ ڤه چوویه
گاڤ
ژمارهیا ملیاردێران ل سهر ئاستێ جیهانێ د سالا 2022 دا بهرهڤ كێمبوونێ ڤه چوویه، ل گۆرهى راپۆرتهكێ.
راپۆرتا هورۆن یا تایبهت ب پۆلینكرنا دهولهمهندێن جیهانێ ڤه ئهڤرۆ پێنجشهمبیێ ئاشكرا كر؛ پتر ژ 400 كهسان ل جیهانێ د سالا بۆرى دا ناسناڤێ ملیاردێر ژدهستداینه و پتریا وان ژ چینێ بوون.
دیار ژى كریه؛ 229 ملیاردێرێن چینى ژ لیستێ هاتنه دهر و ل سهرانسهرێ جیهانێ 445 ملیاردێر ژێ هاتینه دهر.
ئهگهرێن ڤێ چهندێ ل گۆرهى راپۆرتێ ژ بۆ توندكرنا سیاسهتا نهختینهیى ل بهنكێن جیهانى یێن ناڤهندى، ئاستهنگێن ژ ئهنجامێ پهژیكا كۆرۆنایێ پهیدابووین و رێكارێن چینێ ل سهر كۆمپانیێن تهكنولوژیایێ یێن مهزن سهپاندین ڤهدگهڕن كو ڤێ چهندێ كارتێكرن ل سهر كهسێن گهلهك دهولهمهند كریه.
پۆلینكرنا كهسێن ملیاردێر وان كهسان ب خۆڤه دگریت یێن ب كێماسى ئێك ملیار دۆلار ههبن.
رۆبێرت هوگوێرف دامهزرێنهر و سهرۆكێ جڤاتا برێڤهبرنێ یێ كۆمپانیا هورۆن ریپۆرت ل دۆر ڤێ چهندێ دیاركر "ژمارهیا ملیاردێران ل جیهانێ ب رێژهیا 8% كێمبوویه ههروهسا سهرجهمێ سامانێن ملیاردێران ب رێژهیا 10% كێمبوویه".
لیستا ملیاردێران ل ئهڤ ساله 3112 كهسان ب خۆڤه دگریت، ل دهمهكێ ل سالا بۆرى 3381 كهس بوون.