10 كه‌س ل سووریا هاتنه‌ كوشتن

بەلاڤ بکە

گاڤ
ژ ئه‌نجامێ شه‌ڕه‌كى د ناڤبه‌را سوپایێ سووریا و ده‌سته‌یا ته‌حریر شامدا ل باكۆرێ حه‌له‌بێ ب كێمى 10 كه‌س هاتنه‌ كوشتن.
ئه‌ڤرۆ ئه‌ینیێ 24-3-2023ێ یێ ژێده‌رێن خۆجهى یێن سووریا راگه‌هاندیه‌، ژ ئه‌نجامێ شه‌ڕه‌كێ دژوار د ناڤبه‌را سوپایێ سووریا و چه‌كدارێن ده‌سته‌یا ته‌حریر شام دا پێنج سه‌ربازێن سووریا و 5 چه‌كدارێن ته‌حریر شام ژى دا هاتینه‌ كوشتن.
ل گۆرى ژێده‌رێن سوپایى و ته‌حریر شام ب ده‌هان سه‌رباز و چه‌كدارێن وان بریندار بووینه‌ و بۆ نه‌خۆشخانه‌یان هاتین ره‌وانه‌كرن.
ته‌حریر شام كینه‌؟
پشتى شه‌رێ ناڤخۆ یێ سووریا ده‌هان گرۆپێن تیرۆرستى ل وى وه‌لاتى په‌یدابوون و هنده‌ك ژ وان گرۆپان خۆ ب ناڤێ ئۆپزسیۆنێ دیاركر چه‌كدارێن ته‌حریر شام ژى ئێك ژ وان گرۆپان بوو.
چه‌كدارێن ته‌حریر شام ژ ئالیێ هنده‌ك ئه‌ندامێن پێشتر یێن قاعیده‌ ڤه‌ دهێته‌ ب رێڤه‌برن و سه‌ركردایه‌تیا وان دهێته‌كرن و ل گه‌ل گرۆپێن چه‌كدار یێن ئۆپزسیۆنا سووریا تێكهه‌ل بووینه‌ و نیڤا پارێزگه‌ها ئدلب ژ ئالیێ باكۆرێ رۆژئاڤا سووریا ڤه‌ و ناوچه‌یێن دى یێن هه‌ڤسنۆر ل گه‌ل پارێزگه‌ها حه‌له‌ب، حه‌ما و لادقیێ د ده‌ستان دایه‌.
زێده‌تر ژ سێ ملیۆن كه‌سان ل پارێزگه‌ها ئدلبێ دژین، نیڤا وان ئاواره‌ بووینه‌ و مالێن خۆ ژ به‌ر شه‌ڕێ ناڤخۆ بجهـ هێلایه‌ و یێن دى ژى ل بن فشارێن ڤه‌رێژا قاعیده‌ ماینه‌.
 

زێدەتر دەربارەی