تۆخێل دوباره بوو راهێنهرێ بایرن میۆنشن
گاڤ
یانهیا بایرن میۆنشن ههلگرا ناسناڤێ خۆلا ئهلمانى ’بۆندسلیگا’ ل وهرزی بۆرى ئهڤرۆ ئهینیێ راهێنهرێ خۆ ژ كارى لادا و راهێنهرهكێ دى ل جهێ وى دا.
بایرن میۆنشن راهێنهرێ خۆ یولیان ناگلسمان ژ كارى لادا و تۆماس تۆخێل وهك راهێنهرێ نوى یێ یانهیێ دانا.
یانهیا بایرن میۆنشن دیاركر؛ ئهڤ بڕیاره ژ لایێ ئولیڤهر كان سهرۆكێ بجهئینانێ یێ یانهیێ و حهسهن سالح حهمیدێچ ئهندامێ دهستهیا كارگێرى ب شیرهتكارى ل گهل هێربێرت هاینهر سهرۆكێ یانهیێ هاتیه دان.
ئاستێ یانهیا پاڤارى ل سهر دهستێ ناگلسمان بهرهڤ پاش ڤه چووبوو و ل ئێكشهمبیا بۆرى ب ئهنجامێ 2-1 ل سهر دهستێ بایر لیڤهركۆزن د خۆلا ئهلمانى دا هاتبوو دۆراندن.
د نوكه دا، یانهیا برۆسیا دۆرتموند ل سهرێ لیستا بۆندسلیگایێ ب 53 خالان دهێت و بایرن میۆنشن ب جوداهیا خالهكێ ل رێزا دوێ دهێت.
ناگلسمان ل سالا 2021 ببوو راهێنهرێ بایرن میۆنشن و ل وهرزێ بۆرى 2021-2022 سهركێشیا یانهیێ بۆ بدهستڤهئینانا ناسناڤێ دههێ ل سهر ئێك یێ خۆلا ئهلمانیا یا تهپاپێى كربوو.