ئیراق و هژماره‌كا كۆمپانیێن هندى رێككه‌فتن
بەلاڤ بکە
گاڤ
شیره‌تكارێ جڤاتا ئاسایشا نیشتیمانى یا ئیراقێ د سه‌ردانا خۆ یا هندستانێ دا رێككه‌فتنه‌ك بۆ ئاڤه‌دانكرنا ئیراقێ ل گه‌ل هژماره‌كا كۆمپانیێن بسپۆریێن جودا یێن هندى كر.
نڤیسینگه‌ها راگه‌هاندنا شیره‌تكارێ ئاسایشا نیشتیمانى یا ئیراقێ د راگه‌هاندنه‌كێ دا ئاماژه ب وێ ئێكێ كر، ل نیوده‌لهى یا پایته‌خت كۆمبوونه‌ك د ناڤبه‌را قاسم ئه‌عره‌جی و 10 كۆمپانیێن هندی یێن فره بسپۆری دا هاته كرن.
د كۆمبوونێ دا كۆمپانیێن هندى ب هویرى به‌رهه‌مێن خۆ دیاركرن، ئاماده‌یا خۆ ژى نیشاندا بۆ بجهئینانا پێدڤیێن ئیراقێ د وارێن پیشه‌سازى یان هه‌ڤكاریكرنا كه‌ره‌ستێن تواناسازى و خۆژیانكرنێ د هه‌مى واراندا.
قاسم ئه‌عره‌جى رێككه‌فتنه‌كا ده‌ستپێكى ل گه‌ل كۆمپانیین هندى كر، كۆمبوونێن دوقۆلى د ناڤبه‌را ده‌ستهه‌لاتێن تایبه‌تێن ئیراقێ و وان كۆمپانیان دا بهێنه كرن بۆ پشكداریكرنێ د ئاڤه‌دانكرنا ئیراقێ و ڤه‌ژاندنا پیشه‌سازیا ئیراقێ دا.
