ویلایه‌ته‌كا ئه‌مریكى بكارئینانا سوشیال میدیایێ بۆ زارۆكان سنووردار كر
بەلاڤ بکە
گاڤ
ویلایه‌ته‌كا ئه‌مریكى بڕیاره‌ك بۆ سنوورداركرنا بكارئینانا هنده‌ك ئه‌پلیكه‌یشنێن سوشیال میدیایێ ژ لایێ زارۆكان ڤه ده‌ركر و ئه‌ڤ بڕیاره دبیته جهێ هنده‌ك ره‌خنه‌یان.
ویلایه‌تا یۆتا یا ئه‌مریكى دو پرۆژه‌یاسا بۆ رێكخستنا سوشیال میدیایێ په‌ژراندینه، ئاژانسێن ئه‌مریكى دیاركرینه؛ یۆتا دبیته ئێكه‌م ویلایه‌ت یاسایه‌كێ ددانیت كو ل گۆره‌ى وێ بكارئینانا كه‌سێن د بن 18 سالیێ دا بۆ سوشیال میدیایێ دهێته سنوورداركرن.
ل گۆره‌ى وان دو پرۆژه‌یاسایان، پێدڤیه به‌رى ڤه‌كرنا زارۆكان بۆ ئه‌كاونتان د ئینستاگرامى و تیك تۆكى دا، رازیبوونا ده‌یكوبابێن وان بهێته وه‌رگرتن.
هه‌روه‌سا بكارئینانا زارۆكان بۆ سوشیال میدیایێ ژ ده‌مژمێر 10:30ى شه‌ڤێ تا 6:30ى سپێدى قه‌ده‌غه كرینه.
ژماره‌یه‌كا كۆمپانیێن ته‌كنولوژیایێ نه‌رازیبوونا خۆ ل دۆر ڤێ چه‌ندێ دیاركرینه، هه‌ڤده‌م هنده‌ك ئه‌كتیڤیستان ئه‌ڤ چه‌نده ب سه‌رپێچیا ئازادیا راده‌ربڕینێ لقه‌له‌مداینه.
بڕیارێن ژ ڤى جۆرى، ل سه‌ر ئاستێ ئه‌مریكا نه‌هاتینه دان و ژ به‌ر ڤێ چه‌ندێ، یۆتا وه‌ك ویلایه‌ته‌ك ب تاكى ئه‌ڤ بڕیاره ل سه‌ر ئاستێ ویلایه‌تێ ده‌ركر.
