گاڤ

كۆمسیۆنا بلندا هه‌لبژارتنێن توركیا به‌ربژاركرنا ره‌جه‌ب ته‌یب ئه‌ردۆگان و كه‌مال كلچدار ئۆغلۆ په‌سه‌ند كر، به‌ربژار بۆ وى پۆستى بوونه‌ سێ كه‌س.

كۆمسیۆنا بلندا هه‌لبژارتنێن توركیا راگه‌هاند، ل گۆره‌ى رێكارێن هه‌لبژارتنان و پێشكێشكرنا به‌ربژارێن سه‌رۆكاتیا كۆمارى كو پرۆسه‌ ل 23ى ئادارێ ب دوماهى هاتیه‌ و مه‌رجێن به‌ربژاریێ یێن ره‌جه‌ب ته‌یب ئه‌ردۆگان به‌ربژارێ هه‌ڤپه‌یمانیا جمهور و كه‌مال كلچدار ئۆغلۆ به‌ربژارێ هه‌ڤپه‌یمانیا میلله‌ت هاتینه‌ په‌سه‌ندكرن.

ل گۆرى قانوونێن توركیا ئه‌گه‌ر پارته‌كا سیاسى خودان كورسى بیت ل په‌ڕله‌مانى دشێت كه‌سه‌كى بۆ سه‌رۆككۆماریا توركیا به‌ربژار بكه‌ت و هه‌ر كه‌سه‌كێ بڤێت خۆ به‌ربژار بكه‌ت دڤێت 100 هزار ئیمزایان كۆم بكه‌ت و كۆمسیۆن دێ سه‌رپه‌رشتیێ كه‌ت.

ب شێوه‌یه‌كێ فه‌رمى تا نوكه‌ سێ كه‌س بۆ پۆستێ سه‌رۆككۆماریا توركیا هاتینه‌ به‌ربژاركرن و رۆژا شه‌مبیێ موحه‌ره‌م ئینجه‌، سه‌رۆكێ پارتیا مه‌مله‌كه‌ت شیا 100 هزار ئیمزایان كۆمبكه‌ت و بوو به‌ربژارێ سێ یێ.