گاڤ

ئێک ژ پارێزەرێن عەبدوللا ئۆجەلان، رێبەرێ زیندانکری یێ پەکەکێ وەسا دا دیارکرن کو دبیت ئۆجەلان و هەڤالێن وی د ژیانێ دا نەمابن.

ئیبراهیم بیلمەز د کۆربەندەکێ تایبەت ب سزا و مافێ زیندانکریان دا ل ستەنبۆلێ گۆت: دو سالە رێک ب وان نەهاتیە دان سەرەدانا زیندانا ئیمرالیێ بکەن و چ زانیاری ژی لسەر عەبدوللا ئۆجەلان و هەڤالێن وی نینن و دبیت د ژیانێ دا نەمابن.

هەروەسا گۆت: دەولەتا تورکیا بەردەوام وەسا دیار دکەن کو د ژیانێ دا ماینە، لێ ئەو باوەر ژ دەولەتێ ناکەن.

ئیبراهیم بیلمەز دا دایارکرن ژی؛ زیندانا ئیمرالیێ د ناڤا سیستەمێ یاسایا تورکیا و سیستەمێ یاسایا جیهانی دا نینە و پابەندی وان نابن، ل ئیمرالیێ سالێ جارەکێ پارێزەران مافێ دیدارا زیندانیان هەیە، لێ دو سالە رێک ب وان نەهاتیە دان عەبدوللا ئۆجەلانی ب بینن.

عەبدوللا ئۆجەلان ل سالا 1999 ل ئیمرالیێ هاتیە زیندانکرن و دوماهی جار ل 7/8/2019 پارێزەرێن وی ئەو دیتیە.