پێشنیاره‌ك بۆ به‌رسینگگرتنا بلندبوونا بهایێ كه‌لوپه‌لان ل ئیراقێ هاتە کرن
بەلاڤ بکە
گاڤ
پێشنیاره‌ك بۆ به‌رسینگگرتنا بلندبوونا بهایێ كه‌لوپه‌لان ل ئیراقێ ژ لایێ په‌رله‌مانتاره‌كێ ڤه هاته دان.
پەرلەمانتارێ ئیراقێ، محه‌مه‌د قوته‌یبه به‌یاتى ئه‌ڤرۆ ئێكشه‌مبیێ دیاركر؛ ژ بۆ به‌رسینگگرتنا بلندبوونا بهایێ كه‌لوپه‌لان ل ئیراقێ، پێدڤیه حكومه‌تا ئیراقێ بهایێ نوى یێ فه‌رمى یێ دۆلارى به‌رانبه‌ر دینارى ل سه‌ر فرۆشیاران بسه‌پینیت.
هه‌روه‌سا خۆیا كر "پێدڤیه حكومه‌ت بهایه‌كێ حكومى بۆ هه‌مى كه‌ره‌سته‌یێن خوارنێ بدانیت و رێك ل هنده‌ك بازرگان و كه‌یسوه‌رگران ژ بلندكرنا بهایان بهێته گرتن".
بهایێن كه‌لوپه‌لان د بازارێن ئیراقێ دا ل ڤێ دویماهیێ به‌ره‌ڤ بلندبوونێ ڤه چووینه و ب تایبه‌ت ل گه‌ل هاتنا هه‌یڤا ره‌مه‌زانێ.
حكومه‌تا ئیراقێ به‌رى نها بهایێ فه‌رمى یێ دۆلارى ب 1320 دیناران بۆ هه‌ر دۆلاره‌كێ ده‌ستنیشانكربوو لێ تا نوكه د بۆرسه‌یان دا نه‌گه‌هشتیه ڤى بهاى.
