یانهیا لیڤهرپۆل دێ ل ڤێ هاڤینێ دهستان ژ نههـ یاریكهران بهردهت
گاڤ
یانهیا لیڤهرپۆل ل هاڤینا ئهڤ ساله دێ گوهۆڕینێن رهوریشالى دهستپێكهت و دێ دهستان ژ نههـ یاریكهرێن خۆ بهردهت.
یانهیا لیڤهرپۆل وهرزهكێ خراب پێشكێش دكهت و ژ ههڤڕكیێ ل سهر ناسناڤێ خۆلا ئنگلترا دویركهفتیه ههروهسا چامپیۆنز لیگ ب جهـ هێلایه.
راپۆرتێن بریتانى ئاشكرا كرن؛ یۆرگێن كلۆپ راهێنهرێ لیڤهرپۆل گۆتیه ئێك ژ بهرگریكارێن یانهیێ كو ئهو ئێكه ژ نههـ یاریكهرێن كو یانه د ڤێ هاڤینێ دا دێ دهستان ژێ بهردهت.
دیار ژى كرینه؛ تا نوكه سێ یاریكهر دهركهفتنا وان ژ یانهیێ پشتراستبوویه، ئهو ژى ههر ئێك ژ رۆبێرتۆ فێرمینیۆ یێ بهرازیلى، نابى كهیتا یێ غینى و ئهلێكس ئۆكسلهید چێمبرلنن.
ههروهسا ل گۆرهى راپۆرتان، چاڤهرێ دهێته كرن ههر شهش ژ یاریكهرێن دى ئهڤه بن: ریس ویلیامس، نات فلیپس، جول ماتیپ، كایمهین كێلههر، ئهدریان و ئهرتۆر میلۆ.
یانهیا لیڤهرپۆل هزر د نویكرنا هێلا ناڤهراست دا دكهت و چاڤێ وێ ل سهر جود بێلنگهام یاریكهرێ ئنگلیزى یێ برۆسیا دورتمۆنده.
بهایێ تهخمینكرى یێ بێلینگهام د مێركاتۆیێ دا پتر ژ 100 ملیۆن یۆرۆیایه.