دادگههێ ل دۆر كێشهیا دناڤبهرا شیرین عهبدلوههاب و رۆتانا دا بڕیار دا
03/26/2023 - 21:38
گاڤ
شیرین عهبدلوههاب سترانبێژا مسرى یا ناڤدار ئهڤرۆ ئێكشهمبیێ ب كۆژمهیێ 5 ملیۆن جونهیهێن مسرى هاته سزادان.
ل گۆرهى مالپهرێن مسرى؛ دادگهها قاهیره یا تایبهتمهند ب كێشهیێن ئابوورى ڤه، گهڕا ئێكێ یا ناكۆكیان دناڤبهرا شیرین عهبدلوههاب و كۆمپانیا رۆتانا دا ئێكلاكر.
دادگههێ بڕیارا سزادانا هونهرمهندا مسرى ب دانا 5 ملیۆن جونهیهێن مسرى بۆ كۆمپانیا رۆتانا یا هونهرى دا.
ئهڤ سزایه ل گۆرهى دادگههێ، ژ بهر نهپێگریا وێ هونهرمهندێ یه ب بهندێن گرێبهستا وێ ل گهل كۆمپانیا رۆتانا یا كو د سالا 2019 دا هاتیه ئیمزاكرن.
رۆتانا د سكالایا خۆ دا داخوازا قهرهبوویێ ب كۆژمهیێ 10 ملیۆن جونهیهان ژ شیرینى كربوو و دادگههێ ئهڤرۆ ئهو ب 5 ملیۆن جونهیهان سزادا.
دهێته چاڤهرێكرن پارێزهرێ شیرینی تێههلچوونێ ل سهر ڤێ بڕیارێ پێشكێش بكهت.