دێ سه‌رژمێریا 1957ێ بیته‌ شه‌نگسته‌یێ هه‌لبژارتنێن كه‌ركووكێ

بەلاڤ بکە

گاڤ

شاخه‌وان عه‌بدوللا جێگرێ دووێ یێ سه‌رۆكێ په‌ڕله‌مانێ ئیراقێ راگه‌هاند، ده‌نگ لسه‌ر یاسایا هه‌لبژارتنێن جڤاتێن پاریزگه‌هان هاته‌ دان و ئاسته‌نگێن همبه‌ر هه‌لبژارتنێن كه‌ركوكێ نه‌مان.

شاخه‌وان عه‌بدوللا د راگه‌هاندنه‌كێ دا دیاركر، یاسایا راست‌ڤەكرى یا هه‌لبژارتنین جڤاتا نوونه‌رێن ئیراقێ و هه‌لبژارتنێن پارێزگه‌هان هاته‌ راستڤه‌كرن و ده‌نگ لسه‌ر هاته‌ دان.

عه‌بدولا ده‌رباره‌ى یاسایا هه‌لبژارتنێن كه‌ركووكێ دا زانین،  یاسا ب رێككه‌فتنا سه‌ركرده‌یێن كه‌ركووكێ ژ هه‌مى پێكهاته‌یان هاته‌ په‌سه‌ندكرن.

دا زانین ژى، ل گۆره‌ى یاسایێ هه‌مى ئاسته‌نگێن پێشتر یێن ل همبه‌ر هه‌لبژارتنێن پارێزگه‌ها كه‌ركووكێ هاتن لابرن و بۆ ئێكه‌مین جار دێ ل دویڤ سه‌رژمێریا سالا 1957 هه‌لبژارتنێن كه‌ركووكێ هێنه‌ كرن.

دیاكر ژى، ناوچه‌یا سه‌رگه‌ران دێ ڤه‌گه‌ریته‌ سه‌ر كه‌ركووكێ و وه‌لاتیێن وێ وه‌كوو كه‌كووكى دێ ده‌نگێ خۆ ده‌ن، عه‌ره‌بێن هاورده‌ ژى كو ب رێژه‌یه‌كا مه‌زن ل كه‌ركووكێنه‌ مافێ ده‌نگدانێ ل كه‌ركووكێ نابیت.

 

زێدەتر دەربارەی