رۆسیا دخوازیت تركیا و سووریا بله‌ز په‌یوه‌ندیێن خۆ ئاسایی بكه‌ن
بەلاڤ بکە
گاڤ
ژێده‌رێن نوچه‌یان باس ل ئه‌نجامدانا كۆمبوونا چارقۆلیا وه‌زیرێن ده‌رڤه یێن سووریاـ تركیا، ئیرانێ و رۆسیا ل مۆسكۆیێ دكه‌ن كو تا نها ژبه‌ر مه‌رجێن گرانێن سوریێ ئه‌و كۆمبوون نه‌هاتیه كرن.
رۆژنامه‌یا وه‌ته‌ن یا نێزیك ژ رژێما سووریێ به‌لاڤكر، بزاڤێن به‌رده‌وام هه‌نه بۆ ئه‌نجامدانا كۆمبوونا چارقۆلى یا دناڤبه‌را وه‌زیرێن ده‌رڤه یێن، سووریا، تركیا، ئیرانێ و رۆسیادا كو بڕیاره ئه‌و كۆمبوون ل پایته‌ختێ رۆسیا موسكۆیێ بهێته كرن.
ل گۆره‌ى رۆژنامه‌یێ هێشتا مه‌رجێن سووریی سه‌باره‌ت ب ده‌ركه‌فتنا هێزێن تركیا ژ ناڤ ئاخا سووریێ وه‌كى خۆ ماینه و خالا سه‌ره‌كیا هه‌ر كۆمبوونه‌كێنه دناڤبه‌را سووریێ و تركیا دا.
ل گۆره‌ى ئاژانسێن نوچه‌یان یێن رۆسیا ژى ،د په‌یوه‌ندیا رۆژا شه‌مبیا بۆرى یا سه‌رۆكێ رۆسیا ڤلادیمر پۆتین دگه‌ل سه‌رۆككۆمارێ تركیا ره‌جه‌ب ته‌یب ئه‌ردۆغانى دا پۆتینى ژ ئه‌ردۆغانى خواستیه له‌زێ بكه‌ن بۆ ئاساییكرنا په‌یوه‌ندیێن تركیا و سوریێ.
