"بهایێ تویته‌رى بۆ كێمتر ژ نیڤا بهایێ كڕینا وێ داكه‌فتیه‌"

بەلاڤ بکە

 

گاڤ

بهایێ نوكه‌ یێ كۆمپانیا تویته‌رى ل گۆره‌ى خۆدانێ وێ و رێڤه‌به‌رێ بجهئینانێ یێ وێ گه‌هشتیه‌ كێمتر ژ نیڤا بهایێ كڕینا وێ ل سالا بۆرى.
ئیلۆن ماسك ملياردێرێ ئه‌مریكى ل 28/10/2022 هه‌ڤبه‌ستا كڕینا تۆڕا تویته‌رى ب 44 ملیار دۆلاران ته‌مامكربوو.
مالپه‌رێ Platformer به‌لاڤكریه‌؛ ئیلۆن ماسك بهایێ نوكه‌ یێ كڕینا تویته‌رى ب نزیكى 20 ملیار دۆلارێن ئه‌مریكى خه‌ملاند كو كێمتر ژ نیڤا بهایێ كڕینا وێ ل سالا بۆرى یه‌.
دیار ژى كریه‌ كو د یاداشته‌كا ماسكى بۆ فه‌رمانبه‌رێن تویته‌رى هنارتى دا هاتیه‌: فه‌رمانبه‌رێن تویته‌رى دێ پشكان ل سه‌ر بنیاتێ بهایێ تویته‌رى یێ نوكه‌ كو 20 ملیار دۆلارن بده‌ستڤه‌ئینن.
ماسكى ل سالا بۆرى ژى دیاركربوو كو ئه‌و كۆژمه‌یێ وى بۆ كڕینا تویته‌رى داى، بهایه‌كێ زێده‌ و گڕان بوو كو ل وى ده‌مى هه‌ر پشكه‌ك ب 54.20 دۆلاران بوو.
 

زێدەتر دەربارەی