گاڤ

به‌نكه‌كا ئه‌مریكى بده‌ستڤه‌ئینانا مولكیه‌تا به‌نكا سیلیكۆن ڤالى یا كو تووشى ئیفلاسبوونێ بووى راگه‌هاند.

به‌نكا سیلیكۆن ڤالى ئێك ژ مه‌زنترین به‌نكێن ئه‌مریكا ل ناڤه‌راستا ڤێ هه‌یڤێ ئیفلاسبوونا خۆ راگه‌هاند بوو و ب ڤێ چه‌ندێ كه‌رتێ به‌نكى ل ئه‌مریكا و جیهانێ د نه‌سه‌قامگیریێ دا بۆرى.

به‌نكا First Citizens ئه‌ڤرۆ دوشه‌مبیێ راگه‌هاند كو وان هه‌ڤبه‌سته‌ك بۆ بده‌ستڤه‌ئینانا مولكیه‌تا سیلیكۆن ڤالى، سامانێ وێ، پاره‌یێن وێ د به‌نكێ دا و قه‌ڕان پێشكێشكر.

ئاژانسان ژ فرانك هۆلدینگ سه‌رۆكێ بجهئینانێ یێ به‌نكا First Citizens ڤه‌گوهاستینه‌ "ئه‌ڤ هه‌ڤبه‌سته‌ یا گرنگه‌ و ژ بۆ ڤه‌گه‌ڕاندنا باوه‌ریێ ب كه‌رتێ به‌نكى ل ئه‌مریكا هاریكاره‌".

ل گۆره‌ى هه‌ڤبه‌ستێ، فێرست سیتیزنس دێ 110 ملیار دۆلارێن سامانێن سیلیكۆن ڤالى، 56 ملیار دۆلارێن پاره‌یێن تێدا و 72 ملیار دۆلارێن قه‌ڕان بده‌ستڤه‌ئینیت.

هه‌ر ئه‌ڤرۆ دوشه‌مبیێ، 17 تایێن سیلیكۆن ڤالى وه‌ك یه‌كه‌یه‌كا گرێداى فێرست سیتیزنس ده‌ست ب كارى كرن.