بۆچی مافێ مێهڤانداریا جاما جیهانێ یا لاوان ژ ئیندۆنیسیا هاته ستاندن؟
گاڤ
ئێكهتیا تهپاپێى یا نێڤدهولهتى ئهڤرۆ چارشهمبیێ بڕیارا ژێستاندنا مافێ مێهڤانداریا جاما جیهانێ یا لاوان یا تهپاپێى 2023 ژ وهلاتێ ئیندۆنیسیا دا.
فیفایێ راگههاند؛ مافێ ئهنجامدانا جاما جیهانێ یا یاریكهرێن د بن 20 سالیێ دا ژ ئیندۆنیسیا هاته ستاندن، پشتى نهرازیبوونا وێ ل سهر مێهڤانداریا ههلبژارتیێ ئسرائیلێ ئێك ژ پشكدارێن قارهمانیێ.
رۆیتهرز بهلاڤكریه؛ بڕیارا ژێستاندنا مافێ مێهڤانداریا قارهمانیێ ژ ئیندۆنیسیا پشتى بڕیارا ئێكهتیا ئیندۆنیسى یا تهپاپێى ب كهنسلكرنا پشككێشانا قارهمانیێ پشتى كو حاكمێ گزیرتهیا بالى یا ئیندۆنیسى ل سهر مێهڤانداریا ههلبژارتیێ ئسرائیلێ رازینهبووى، هاته دان.
ئاشكرا ژى كریه كو دێ ناڤێ وهلاتێ مێهڤاندار بۆ قارهمانیێ د نزیكترین دهم دا هێته راگههاندن.
"ماوهیێ دهستنیشانكرى بۆ ئهنجامدانا قارهمانیێ ژ 20/5/2023 تا كو 11/6/2023 و دهمێن یاریان دێ وهك خۆ و بێ گوهۆڕین مینن"، ل گۆرهى رۆیتهرز.