"پتر ژ 800 هزار كه‌سان ل توركیا و سووریا ژ به‌ر ئه‌ردهه‌ژێ كارێ خۆ ژده‌ستداینه"
03/30/2023 - 20:09
بەلاڤ بکە
گاڤ
پتر ژ 800 هزار كه‌سان ل توركیا و سووریا ژ به‌ر هه‌ردو ئه‌ردهه‌ژێن هه‌یڤا شوباتا بۆرى كارێ خۆ ژده‌ستداینه.
دو ئه‌ردهه‌ژان ب هێزێن 7.8 و 7.4 ل گۆره‌ى پیڤه‌رێ رێخته‌ر ل 6/2/2023 ل مه‌ره‌شێ ل باشوورێ توركیا ل نزیك سنوورێ سووریا دابوون و پتر ژ 50 هزار كه‌سان ل توركيا ژ ئه‌نجامێ وێ گیانێ خۆ ژده‌ستدابوون و ب هزاران ئاڤاهى هه‌ڕفتینه.
رێكخراوا كارى یا نێڤده‌وله‌تى ئه‌ڤرۆ پێنجشه‌مبیێ ئاشكرا كر؛ نزیكى 830 هزار كه‌سان ل باشوورێ توركیا و باكۆرێ سووریا ژ به‌ر هه‌ردو ئه‌ردهه‌ژێن هه‌یڤا شۆباتا بۆرى كارێ خۆ ژده‌ستداینه.
دیار ژى كر كو 150 هزار جهێن كارى پشتى ئه‌ردهه‌ژێ ڤالابووینه و ئێدى ب كێر بكارئینانێ ناهێن.
ئه‌ردهه‌ژێ كارتێكرن ل سه‌ر نزیكى 35 هزار پرۆژه‌یێن ناڤنجى و بچویك كریه.
