گاڤ
پشتى نێزیكى 20 سالان ژ بزاڤاێن به‌رده‌وام و 959  سه‌رنه‌كه‌فتنان، ژنه‌كا كۆریا باشۆر شیا ل دویماهیێ مۆله‌تا شۆفێریێ ده‌ربێخیت.
چا سا سون،  وه‌لاتیا كۆریا باشۆر، ل سالا 2005ێ ئێكه‌م بزاڤ بۆ ده‌رخستنا مۆله‌تا شۆفیریێ كر، د ماوه‌یێ 18 سالێن بۆرى دا و پشتى 959 جاران بزاڤا ده‌رخستنێ كرى و سه‌رنه‌كه‌فت، لێ ئه‌و ژنا كۆرى بێهیڤى نه‌بوو تا شیاى ئه‌ڤساله‌ مۆله‌تا شۆفێریێ ده‌ربێخیت.
ماوه‌یێ سێ سالان ل دویڤك و هه‌ر هه‌فتیێ 5 رۆژان وێ ژنا كۆریا باشۆر ئه‌زمونا تیۆرى ئه‌نجام دایه و پشتى 860 تاقیكرنان ئه‌و ژن شیا ده‌ربچیت و پشتى كه‌ڤتیه‌ د قوناغا كریارێ و هاژۆتنێ دا، تووشى پتر ئاسته‌نگان بوو، ب ره‌نگه‌كى پشتى ده‌هان بزاڤان و 959 جاران سه‌رنه‌كه‌فتى، ل دویماهیێ شیا بگه‌هته‌ ئارمانجا خۆ. 
رۆژنامه‌یا ده‌یلى مه‌یل یا بریتانیى دا زانین، وێ پترى 13 هزار دۆلاران د 18 سالان دا ل ل ده‌رخستنا مۆله‌تا شۆفێریێ داینه‌ تا شیاى سه‌ربكه‌ڤیت. دا زانین ژى راهێنه‌رێن وێ د وى ماوه‌ی دا نه‌ وێریاینه‌ بێژنێ ده‌سته‌به‌ردارى تاقیكرنێن مۆله‌تا شۆفێریێ ببیت.