بهنكا ناڤهندى: جوداهیا د ناڤبهرا بهایێ دۆلارى یێ فهرمى و بازارى دا نامینیت
گاڤ
بهنكا ناڤهندیا ئیراقێ راگههاند، گاڤ ب گاڤ بهایێ دۆلارى دێ هێته خوار و جوداهیا دناڤبهرا بهایێ فهرمیێ دۆلارى و بهایێ بازاڕى دا نامینیت.
عەمار خەلەف جێگرێ پارێزگارێ بهنکا ناڤەندیا ئیراقێ راگەهاند، بهنكا ناڤهندى هژمارهكا پیرابوونان گرتینه بهر بۆ دابهزاندنا بهایێ دۆلارى ب رێكا وان سێ پاكێجێن ل دهستپێكا ئهڤساله هاتینه دانان.
جێگرێ پارێزگارێ بهنكا ناڤهندیا ئیراقێ ئهگهرێن داكهفتنا بهایێ دۆلارى د دو رۆژێن بۆرى ژى دا ڤهگهڕاند: بۆ زێدهبوونا قهبارهیێ فرۆتنا دۆلارى ژلایێ بهنكا ناڤهندى ڤه.
ئاماژه دا وێ ئێكێ ژى، ئیراقێ پێدڤى ب دامهزراندنا بهنكێن نوى نینه د نها و پاشهرۆژێ دا، بهلكو پێدڤى ب كاراكرنا بهنكان ههیه. گۆت ژى د نها دا ل ئیراقێ پترى 70 بهنكێن حكومى و ئههلى ههنه.
عەمار خەلەف دا زانین ژى، ئهو دگهل بازرگانان كۆمبووینه و دێ ئاسانكاریان كهن دا دهستێ وان بگههیته پارێ بیانى.
گۆت ژى، هێدى هێدى بهایێ دۆلارى دێ هێته خوارێ تا جوداهیا دناڤبهرا بهایێ فهرمى ل بهنكان و بهایێ بازارى دا نهمینیت.