30 تۆمەت ل سەر ترامپی هەنە و بتنێ ئێک دێ رێکێ ل بەربژێریا وی بۆ سەرۆکاتیێ گریت
گاڤ
سەرۆکێ بەرێ یێ ئەمریکا کو ب نیازە جارەکا دی خۆ بۆ سەرۆکاتیا ئەمریکا بەربژار بکەت، ل هەمبەری 30 تۆمەتانە و دادگەهـ دێ بریارێ ل سەر دەت.
ل گۆرەی دەستوورێ ئەمریکا، دۆنالد ترامپ ب هەبوونا 30 تۆمەتان ژی ل سەر وی ماف هەیە خۆ بۆ سەرۆکاتیا وی وەلاتی بەربژار بکەت، ژبەرکو د دەستوورێ ئەمریکا دا هاتیە کو ئەو کەسێ خۆ بەربژار دکەت پێدڤیە تەمەنێ وی ژ 35 سالیێ پتر بیت و 14 سالان ژی ل ئەمریکا ژیابیت، لێ چ ئاماژە ب وێ یەکێ نەداینە کو پێدڤیە چ تاوان لسەر نەبن.
کیش تۆمەتە دێ رێگریێ ل ترامپی کەت؟
ل گۆرەی بەندێ 14ێ ژ دەستوورێ ئەمریکا، هەر کەسێ د پۆستەکێ بلند یێ دەولەتێ دابیت و پشکداری خرڤەبوونەکا تێکدانێ ببیت، رێک پێ ناهێتە دان بەربژار بیت بۆ چ پۆستێن دی، دۆنالد ترامپ ل دوماهیا ویلایەتا خۆ داخواز ژ خەلکی کربوو خۆنیشاندانان بکەن و ل سەر داخوازیا وی خەلکی هێرشی ئاڤاهیێ کاپیتۆل هیل کر کو بوویە خالەکا رەش د دیرۆکا ئەمریکا دا.
ژبلی ڤێ تۆمەتێ 29 تۆمەتێن دی ژی یێن گەندەلی و دەستدرێژیا سێکسی لسەر ترامپی هەنە و دادگەهـ دێ بریارێ لسەر دەت.