سەقاناسی: ل پارێزگەها دهۆکێ دێ رێژەیا بارینا بەفر و بارانێ پتر بیت
03/31/2023 - 11:24
گاڤ
رێڤەبەریا سەقانسی و بیڤەلەرزان یا هەرێما کوردستانێ پێشبینیێن سەقایی یێن ئەڤرۆ و سوبەهی راگەهاندن.
سەقاناسیا هەرێما کوردستانێ راگەهاند؛ ئەڤرۆ دێ باران ل پتریا دەڤەران باریت و ل دەڤەرێن چیایی ژی دێ بەفر باریت.
هەروەس دیار کر کو پترین رێژەیا بارینا بەفر و بارانێ دێ ل پارێزگەها دهۆکێ بیت و پلەیێن گەرمێ ژی دێ ب رەنگەکێ بەرچاڤ داکەڤن و ل دەڤەرێن چیایی دێ گەهیتە سفر پلەیێن سیلیزی.
سەقاناسیێ دا زانین ژی کو سوبەهی دێ ئاسمان نیمچە عەور بیت و بتنێ ل دەڤەرێن چیایی دێ باران باریت.