330 مێگاواتێن کارەبا نشتیمانی کێم بووینە
03/31/2023 - 16:15
گاڤ
ژبەر راگرتنا بەرهەمئینانا پەترۆلا کێلگەهێن گەرمیان و خۆرمەلە 330 مێگاواتێن کارەبێ کێم بووینە.
ئۆمێد ئەحمەد، پەیڤدارێ وەزارەتا کارەبێ راگەهاند؛ ژبەر بریارا دادگەها پاریسێ بەرهەمئینانا پەترۆلێ ل وان کێلگەهان هاتیە راگرتن، ل ویستگەها کارەبێ یا گەرمیان کو ب غازا کێلگەها پەترۆلا حەسیرە کار دکەت 80 مێگاواتێن وێ وەستگەهێ کێم بووینە و ل ویستەگەها خۆرمەلە ژی ل هەولێرێ 250 مێگاواتێن کارەبێ کێم بووینە و ب گشتی 330 مێگاواتێن کارەبێ ژ تۆرا نشتیمانی یا کارەبێ کێم بووینە.
هەروەسا دیار کر کو وەزارەتا کارەبێ بزاڤان دکەت ب پشتبەستن ب کارەبا هایدرۆپاوەر ل هەردو بەنداڤێن دوکان و دەربەندیخان، هەروەسا وەستگەهێن غازا سلێمانی و هەولێرێ قەرەبوویا وێ کارەبێ بکەت.