ئهمریكا: پێدڤى بوو رۆسیا نه ئهندامهكا بهردهوام د جڤاتێ ئاسایشێ یا نێڤدهولهتى دا با
گاڤ
ئهمریكا ئهڤرۆ ئهینیێ دیاركر كو پێدڤى بوو رۆسیا نه ئێك ژ پێنج وهلاتێن بهردهوام د جڤاتا ئاسایشێ یا نێڤدهولهتى دا با.
ئهمریكا، بریتانیا، فرهنسا، چین و رۆسیا ههر پێنج وهلاتێن بهردهوامن د جڤاتا ئاسایشێ یا نێڤدهولهتى دا و وان ب تنێ مافێ ڤیتۆیێ ل سهر بڕیارێن جڤاتێ ههیه.
لیندا تۆماس گرینفێلد بالیۆزا ئهمریكا ل نهتهوهیێن ئێكگرتى ئهڤرۆ ئهینیێ دیاركر؛ پێدڤیه رۆسیا نه ئێك ژ وهلاتێن بهردهوام د جڤاتا ئاسایشێ یا نێڤدهولهتى دا با.
ناڤهاتیێ بۆ فرانس پرێس گۆت ژى "ژبهر رهفتارێن رۆسیا ل ئۆكراینا، پێدڤیه رۆسیا ئهنداما ههمیشهیى نهبا د جڤاتا ئاسایشێ یا نێڤدهولهتى دا لێ میساقێ نهتهوهیێن ئێكگرتى رێكێ ب گوهۆڕینا ڤێ چهندێ نادهت".
ههر ژ دهمێ دهستپێكرنا ئۆپهراسیۆنا سهربازى یا رۆسیا ل سهر ئۆكراینا ل 24/2/2022، ئهمریكا و ژمارهیهكا وهلات و سازیێن رۆژئاڤایى سزایێن جودا جودا ل سهر رۆسیا سهپاندینه.