"قوتابیێن بەشێن ناڤخۆیی ل ئامێدیێ ل بەر سەرمایێ نە"
گاڤ-ئامێدیێ
ئێک ژ قوتابیێن بەشێن ناڤخۆیى یێن ئامێدیێ بۆ گاڤ دیارکر؛ ژ بهرى نەورۆزێ تا نوکە کو دۆرێن هەیڤەکێ یه، گازا سپی ب مە قوتابیێن بەشێن ناڤخۆیى یێن کولیژا پەروەردا بنیات ئامێدیێ نەهاتییە دان و پشتی هاتنا ڤێ پێلا سەرمایێ ئەم د بەتەنیان ڕا ماینە.
وی قوتابی زێدەتر گۆت: ئەم 265 قوتابینە کو ژ وان 102 کچن هەمی ل بەشێن ناڤخۆیی نە و ژبەر نەدانا گازا سپی و قەدەغەکرنا هەلکرنا هێتەران ئەم د سەرمایێ دانە، یان دڤێت بۆ خۆ گازێ بکرین یان ژی د نڤینان ڕا بمینین.
ل دۆر ڤی بابەتی گاڤ پەیوەندی ب پ.هـ د. نیعمەتوڵڵا حامد نهێلی راگرێ کولیژا پەروەردا بنیات ئامێدیێ کر د بەرسڤدا گۆت: "ژبەر بھێنڤەدانا نەورۆزێ قوتابیێن پشکێن ناڤخۆیی چووبوونه مال و سەقا ژی خوش ببوو، لێ ئەڤ پێلا سەرمایێ نەیا چاڤەرێکری بوو و نوکە ئەم نە ل ئامێدیێ نە، سوباھی دێ گازێ لسەر پشکێن ناڤخۆیی بەلاڤکەین".