دو وەلاتێن عەرەبی گەشتکرنا وەلاتیێن خۆ بۆ دو وەلاتان قەدەغەکرن
گاڤ
دو وهلاتێن عهرهبى ژ بهر بهلاڤبوونا ڤایرۆسهكێ ل دو وهلاتێن ئهفریقى بڕیارا قهدهغهكرنا گهشتكرنا وهلاتیێن خۆ بۆ وان وهلاتان دان.
ڤایرۆسێ ماربۆرگ ل ههردو وهلاتێن گینیا ئستیوایى و تنزانیا بهلاڤبوویه و رێژهیا مرنێ ب وى ڤایرۆسى یا بلنده و دگههیته دناڤبهرا 60% بۆ 80% دا ژ حالهتان و هندهك ژێدهرێن دى دیار دكهن كو رێژه دگههیته 90%.
ماربۆرگ نهخۆشیهكا ڤایرۆسى یه، هندهك ژ نیشانێن وێ پێكدهێن ژ تایێن دژوار، سهرئێشانا دژوار، ئێشانا زكى و عێلنجى و دلرابوون و ژمارهیهكا نیشانێن دى.
دهستهیا ساخلهمیا گشتى یا سعوودى ’وقایة’ ئهڤرۆ ئهینیێ داخواز ژ وهلاتیێن خۆ كر كو سهرهدانا وان ههردو وهلاتێن ئهفریقى ژ بهر بهلاڤبوونا وى ڤایرۆسى نهكهن.
ههروهسا وهزارهتا ساخلهمیێ یا عومانێ ژى ههمان داخواز ژ وهلاتیێن خۆ كریه.
ژ بۆ دهستنیشانكرنا ههبوونا وێ نهخۆشیێ ل دهف كهسهكى، پێدڤیه شیاوا تووشبوونێ ب نهخۆشیێن دى یێن ههمان نیشان ههین وهكى ئیبۆلا، مهلاریا، تایا تیفوێد و هندهكێن دى بهێته لادان ژ بۆ پشتراستیێ ژ تووشبوونێ ب ڤایرۆسێ ماربۆرگ.