گاڤ

ئه‌ڤرۆ رۆژا ساخله‌میا جیهانى یه‌ و وه‌زاره‌تا ساخله‌میا هه‌رێما كوردستانێ ژى دبێژیت: دڤێ رۆژێ دا پێدڤی و ره‌هه‌ندێن ساخله‌میێ ل بیرا كۆمه‌لگه‌هێ و ده‌ستهه‌لاتداران و ژێده‌رێن مرۆڤى یێن سیسته‌مێ ساخله‌میێ دئینن.

وه‌زاره‌تا ساخله‌میا هه‌رێما كوردستانێ دیاردكه‌ت، ئه‌ڤ رۆژه‌ ره‌وشا ساخله‌میێ د ناڤا تاكێن جیهانی دا ل بیرا هه‌مووان دئینیت و دوپات دكه‌ت كو ساخله‌مى بتنێ خۆپاراستن و چاره‌سه‌رى نینه‌ ژ نه‌خۆشیان و په‌ككه‌فتنێ به‌لكو ته‌مامبوونا له‌ش و هزر و ره‌وشا مرۆڤى یه‌.

هه‌روه‌سا وه‌زاره‌تا ساخله‌میێ دیاردكه‌ت، هوشیاریا تاكى پشكه‌كه‌ ژ ساخله‌میا تاكى و ب وێ واتایا هزر و هزركرن و باوه‌ریا ساخله‌میا تاكێن خێزانی و كۆمه‌لگه‌هێ واتا پاراستنا ساخله‌میا كه‌سانێن دى یه‌ و ب ڤێ یه‌كێ دێ كۆمه‌لگه‌هه‌كا ساخله‌م  ئاڤاكه‌ین.

هه‌روه‌سا دیاركریه‌، نه‌خۆشیا كۆرۆنایێ وانه‌یه‌ك دا هه‌موویان كو خۆپاراستن باشتره‌ ژ چاره‌سه‌ریێ و زێده‌بارى هه‌موو قه‌یران و رێكێن سه‌خت ئه‌و ره‌وش ب خۆ پاراستنێ ده‌رباز بوو.