ههردو لایهنێن شهڕكهر ل سوودانێ ل سهر ئهنجامدانا گۆتوبێژان رازیبوون
گاڤ
ههردو لایهنێن شهڕكهر ل سوودانێ ل سهر ئهنجامدانا گۆتوبێژان رازیبوون ل گۆرهى بهرپرسهكێ نهتهوهیێن ئێكگرتى.
ڤۆلكهر پێرتس سهرۆكێ شاندێ نهتهوهیێن ئێكگرتى ل سوودانێ ئهڤرۆ دوشهمبیێ راگههاند؛ سوپایێ سوودانێ و هێزێن پشتهڤانیا ب لهز ل سهر ڤرێكرنا نوینهران ژ بۆ ئهنجامدانا گۆتوبێژان ل سعوودیه رازیبوون.
دیار ژى كر كو ئهو چهنده گرێدایه ب ژمارهیهكا ئالنگاریان وهكى ههبوونا رێرهوێن ئێمن بۆ ههردو لایهنێن شهڕكهر.
ئهسوسیهیتد پرێس ژ نوینهرێ نهتهوهیێن ئێكگرتى ڤهگوهاستیه "رێكارێن لوجیستى یێن گۆتوبێژان هێشتا د قووناغا بهرههڤكرنێ دانه".
دیار ژى كریه كو ب تنێ سوپایێ سوودانێ بهرههڤیا خۆ ب گۆتوبێژان دهربڕیه و هێزێن پشتهڤانیا ب لهز تا نوكه چ ههلویست دیارنهكرینه.
ههردو لایهنێن شهڕكهر ل سوودانێ دوهى ل سهر ئاگربهستهكا نوى بۆ 72 دهمژمێران رێككهفتبوون.
ههر ژ رۆژا 15ى ڤێ ههیڤێ، شهڕ و پێكدادان ل سوودانێ دناڤبهرا سوپایێ سوودانێ ب سهركردایهتیا عهبدولفهتاح بورهان و هێزێن پشتهڤانیا ب لهز ب سهركردایهتیا محهمهد حهمدان دهقلو (حهمیدتى) دا دهستپێكرینه و سهرهراى راگههاندنا ئاگربهستان دهم بۆ دهمى لێ بپنێكرنا وان ئاگربهستان بهردهوامه.