سه‌رۆكێ حكومه‌تێ: به‌رهه‌ڤیا خۆ بۆ دامه‌زراندنا ناڤه‌نده‌كێ بۆ كاروبارێن كوردێن فه‌یلى ده‌ردبڕین
05/04/2023 - 22:05
بەلاڤ بکە
گاڤ
سه‌رۆكێ حكومه‌تا هه‌رێمێ به‌رهه‌ڤیا حكومه‌تێ بۆ دامه‌زراندنا ناڤه‌نده‌كێ بۆ كاروبارێن كوردێن فه‌یلى راگه‌هاند.
ئێكه‌م كۆنفرانسێ زانستى یێ نێڤده‌وله‌تى یێ ل دۆر جینۆسایدكرنا كوردێن فه‌یلى ئه‌ڤرۆ پێنجشه‌مبیێ ل هه‌ولێرێ ب دویماهیك هاتبوو.
مه‌سرور بارزانى د تویته‌كێ دا راگه‌هاند؛ به‌رهه‌ڤیا حكومه‌تا هه‌رێما كوردستانێ بۆ بجهئینانا فه‌رمانا سه‌رۆك بارزانى بۆ دامه‌زراندنا ناڤه‌نده‌كێ بۆ كاروبارێن كوردێن فه‌یلى ده‌ردبڕین.
دیار ژى كر كو ئه‌ڤ ناڤه‌نده دێ ل پارێزگه‌ها هه‌ولێرێ هێته دامه‌زراندن.
سه‌رۆك بارزانى ل رۆژا سێشه‌مبیا بۆرى پێشنیارا دامه‌زراندنا ناڤه‌نده‌كێ بۆ كاروبارێن كوردێن فه‌یلى ل هه‌ولێرێ كربوو كو ببیته وه‌كى لێڤه‌گه‌ڕه‌كێ بۆ كوردێن فه‌یلى.
