بڕیاره‌ك ل دۆر سه‌رپێچیێن ل سه‌ر ئه‌ردێ حكومه‌تێ ل پیشه‌سازیا پشت پیشانگه‌هان هاته دان
05/18/2023 - 17:29
بەلاڤ بکە
گاڤ
پارێزگارێ دهۆكێ راگه‌هاند كو هه‌ر كه‌سێ زێده‌گاڤى ل سه‌ر ئه‌ردێ حكومه‌تێ دناڤ پیشه‌سازیا پشتا پیشانگه‌هان دا كرى دێ ل دویڤ یاسایێ سه‌ره‌ده‌رى ل گه‌ل هێته كرن.
د. عه‌لى ته‌ته‌ر پارێزگارێ دهۆكێ ئه‌ڤرۆ پێنجشه‌مبیێ ب ئاماده‌بوونا جێگرێ پارێزگارى و رێڤه‌به‌ریێن په‌یوه‌ندیدار ل دۆر ئاریشه‌یێن پیشه‌كارێن پیشه‌سازیێن ئالۆكا و پشتا پیشانگه‌هێن ترۆمبێلان كۆمبوون.
پارێزگارێ دهۆكێ راگه‌هاند "پشتى وه‌رگرتنا بۆچوونێن لایه‌نێن شوله‌ژێ و هه‌لسه‌نگاندنا بابه‌تیانه بۆ ئاریشه‌یێ، مه رێڤه‌به‌ریێن شوله‌ژێ راسپاردن كو هه‌ر كه‌سێ زێده‌گاڤى ل سه‌ر ئه‌ردێ حكومه‌تێ دناڤ پیشه‌سازیا پشتا پیشانگه‌هان دا كرى، ل دویڤ یاسایێ سه‌ره‌ده‌رى ل گه‌ل بهێته كرن، یێن پێدڤى راستڤه‌كرنێ بهێته راستڤه‌كرن و یێن زێده‌گاڤى ژى ئه‌نجامداین ل دویڤ رێنمایان بهێته هه‌لگرتن".
