گاڤ

سه‌رۆكێ بیلارۆسیا رادگه‌هینیت، پێنگاڤ و داخویانیێن به‌رپرسێن وه‌لاتێن رۆژئاڤا دیاردكه‌ن كو ئه‌و یێ ئاماده‌كاریان بۆ شه‌ڕه‌كى دكه‌ن.

ئه‌لێكسه‌نده‌ر لۆكاشینكۆ، سه‌رۆكێ بیلارۆسیا گۆت: پێنگاڤێن وه‌لاتێن رۆژئاڤا ب تایبه‌ت ژى بوونا فێنله‌ند وه‌ك ئه‌نداما هه‌ڤپه‌یانیا ناتۆیێ ئاماده‌كارینه‌ بۆ وێ یه‌كێ مفا ژ ئه‌ندامبوونێ بهێته‌ دیتن و ئاماژه‌نه‌ كو جیهان به‌ره‌ف به‌رنگاربوونا شه‌ڕه‌كى دچیت.

لۆكاشینكۆ دبێژیت: هنده‌ك وه‌لاتێن ئۆرپى بووینه‌ جهێ تێستێن چه‌كى و جیهانێ به‌ره‌ف ترسه‌كا مه‌زن و شه‌ڕه‌كێ درێژ و به‌رفره‌هـ دبه‌ن.

سه‌رۆكێ بیلارۆسیا ئاشكراكر، رۆژئاڤا قه‌یرانان كوورتر دكه‌ت و ده‌نگێ سیاسیێن وێ ئاماژه‌یێن شه‌ڕى پێڤه‌ دیارن و ئۆكراینا ژى ب ناڤه‌ندا رووبڕووبوونان ناڤكر.