فره‌نسا دێ ئینتەرنێتێ بۆ زاڕۆ و سنێله‌یان سنۆردار كه‌ت

بەلاڤ بکە

گاڤ

جڤاتا پیرێن فرەنسا پڕۆژه‌قانوونه‌ك به‌رهه‌ڤكریه‌ كو تێدا داخوازكریه‌ بكارئینانا ئینتەرنێتێ بۆ کەسێن ژیێ وان د بن 15 سالیێ دا بهێتە سنۆردارکرن.

ل گۆرى ره‌شنڤیسێ جڤاتا پیرێن فره‌نسا، هه‌ر زارۆ یان سنێلەیەکێ د بن 15 سالیێ دا بێ رازیبوونا داى و بابێن وى نه‌شێت تۆڕێن جڤاكى و ژمارا تایبه‌ت دروست بكه‌ت.

هه‌ر د ره‌شنڤیسێ قانوونێ دا هاتیه‌  ژى ئه‌و کەسێن ژیێ وان د بن 15 سالیێ دا دێ هێنه‌ نەچاركرن مۆله‌تێ ژ دای و بابێن خۆ وه‌رگرن تا ئەکاونتێن وان ل پلاتفۆرێن تۆڕێن جڤاكى بهێنه‌ تۆماركرن و هه‌ر كه‌سه‌كێ د بن 15 سالیێ دا هه‌ژمارێ بۆ خۆ دروست بكه‌ت و داى و باب ئاگه‌هدار نه‌كربن، هه‌ژمارا وى دێ هێته‌ راگرتن.

زێدەتر دەربارەی