دهۆك و زاخۆ ب گۆله‌كێ وه‌كهه‌ڤ بوون و هه‌ولێر و نه‌ورۆز تووشى دۆڕاندنێ بوون

بەلاڤ بکە

 

 

گاڤ

 

یانه‌یێن دهۆك و زاخۆ د خۆلا ئیراقێ دا ل سه‌ر عه‌ردێ یاریگه‌ها دهۆكێ وه‌كهه‌ڤ بوون و یانه‌یا هه‌ولێرێ ژ ده‌رڤه‌ى یاریگه‌ها خۆ تووشى دۆڕاندنێ بوو ل سه‌ر ده‌ستێن ته‌له‌به‌ و نه‌ورۆز ژى تووشى دۆڕاندنێ بوو ل سه‌ر ده‌ستێن حدود.

یانه‌یێن دهۆك و زاخۆ ل ئێڤاریا ئه‌ڤرۆ چارشه‌مبیێ د چارچووڤه‌یێ گه‌ڕا 30ێ دا ژ خۆلا نایاب یا ئیراقێ یا ته‌پاپێى ب گۆله‌كێ بۆ هه‌ر لایه‌كێ ل یاریگه‌ها دهۆكێ وه‌كهه‌ڤ بوون.

یاریا دهۆك و زاخۆ ب به‌رهه‌ڤبوونا جه‌ماوه‌ره‌كێ مه‌زن ل یاریگه‌ها دهۆكێ ب ئه‌نجامێ 1-1 ب دویماهیك هات، یانه‌یا زاخۆ گۆلا پێشكه‌فتنێ ل خۆله‌كا 62ێ ژ یاریێ -ب رێكا یاریكه‌رێ دهۆكێ یانیك زاكرى ب شاشى ڤه‌ ل سه‌ر گۆلا خۆ- تۆماركر و ل خۆله‌كا 72 ژ یاریێ یانیك زاكرى شاشیا خۆ راستڤه‌كر و گۆلا وه‌كهه‌ڤیێ بۆ دهۆكێ ژ پێنالتیێ تۆماركر.

د دو یاریێن دى دا ژ هه‌مان گه‌ڕ، یانه‌یا هه‌ولێرێ ب 3-1 ل سه‌ر ده‌ستێ یانه‌یا ته‌له‌به‌ ل یاریگه‌ها شه‌عب ل به‌غدا هاته‌ دۆڕاندن هه‌روه‌سا یانه‌یا نه‌ورۆز ب 1-0 ژ ده‌رڤه‌ى یاریگه‌ها خۆ ل سه‌ر ده‌ستێن یانه‌یا حدود هاته‌ دۆڕاندن.

پشتى ڤان ئه‌نجامان، یانه‌یا دهۆك ب 45 خالان ل رێزا 6ێ، هه‌ولێر ب 39 خالان ل رێزا 12ێ، زاخۆ ب 33ێ خالان ل رێزا 15ێ و یانه‌یا نه‌ورۆز ب 38 خالان ل رێزا 13ێ د رێزبه‌ندیا خۆلێ دا دهێن.

زێدەتر دەربارەی