گاڤ

یانەیا ئسپانی گاڤێن ڤەگوهاستنا ستێرا فرەنسی کیلیان ئمپابێ دەستپێکرن و رۆژنامەیا ئاس دبێژیت، ریال مەدرید ئێک یۆری ژی بۆ دەستڤەئینانا وی خەرج ناکەت.

ل گۆرەی نووچەیەلێ رۆژنامەیا ئاس یا ئسپانی، گرێبەستا کیلیان ئمپابێ ل گەل یانەیا پاریس سان جێرمان تا سالا 2025 یە، لێ بەندەک د گرێبەستا وان دا هەیە کو گرێبەستا کارا ل سالا 2024 بدوماهی دهێت و ئەگەر ستێرا فرەنسی رازی نەبوو گرێبەستێ بۆ سالا مایی نوی بکەت، ریال دێ بێی دانا ئێک یۆرۆ ژی وی یاریکەرێ دەستڤە ئینیت.

رۆژنامە دبێژیت، ل رۆژا 31ێ هەیڤا حەفت یا ئەڤسالە دێ هەموو تشت ئێکلا بن و ئمپابێ دێ بریارا دوماهیێ دەت، لێ ب چ رەنگان رازی نینە گرێبەستێ نوی بکەت و وەک یاریکەرەکێ ئازاد دێ پەیوەندیێ ب یانا شاهانە کەت.