په‌ڕله‌مانێ ئیراقێ ڤه‌گه‌راندنا پاشكه‌فتێ مووچه‌ى د پرۆژێ بۆدجه‌ى دا جێگیر كر

بەلاڤ بکە

گاڤ

لژنه‌یا دارایى یا په‌رله‌مانێ ئیراقێ هنده‌ك مادده‌یێن گرێداى هه‌رێما كوردستانێ د بودجه‌یێ دا گوهارتن و ڤه‌گه‌راندنا پاشكه‌فتێ مووچه‌ى ژى جێگیر كر.

لژنه‌یا دارایى یا په‌رله‌مانێ ئیراقێ مادده‌یێن 13 و 14 ژ بودجه‌یا ئیراقێ یێن گرێداى پشكا هه‌رێما كوردستانێ ب گوهۆڕین ڤه‌ په‌سه‌ندكرن و ژماره‌یه‌كا په‌رله‌مانتارێن كورد كۆمبوونا لژنه‌یا دارایى یا په‌رله‌مانى ب جهـ هێلان.

د كۆمبوونا ئه‌ڤرۆ دا بڕیار هاته‌دان كو شایسته‌یێن دارایى یێن هه‌رێما كوردستانێ هینگێ دێ هێنه‌ هنارتن ده‌مێ حكومه‌تا هه‌رێمێ په‌ترۆلێ ره‌وانه‌ دكه‌ت هه‌روه‌سا ڤه‌كرنا ژماره‌یا به‌نكى دێ ژ ده‌ستهه‌لاتێن تایبه‌ت یێن وه‌زیرێ دارایى یێ ئیراقێ بیت.

یا گرێداى ڤه‌گه‌راندنا پاشكه‌فتێ مووچه‌ى ژى لژنه‌یا دارایی حكومه‌تا هه‌رێمێ پابه‌ندكر كو هه‌یڤانه‌ 10% یا پاشكه‌فتێ مووچه‌یێ فه‌رمانبه‌رێن هه‌رێمێ بده‌ت.

هه‌روه‌سا د گوهۆڕینه‌كا دى دا حكومه‌تا هه‌رێمێ هاته‌ پێگیركرن كو د هه‌ر حاله‌ته‌كێ نه‌شیانا وێ بۆ به‌رهه‌مئینانا په‌ترۆلێ دا، په‌ترۆلێ راده‌ستى سومۆ بۆ به‌رهه‌مئینانا ناڤخۆیى بكه‌ت.

حكومه‌تا هه‌رێما كوردستانێ دوهى چارشه‌مبیێ راگه‌هاند بوو كو ئه‌و ل دژى هه‌ر گوهۆڕینه‌كێ یه‌ د بودجه‌یێ دا د وان مادده‌یێن گرێداى شایسته‌یێن دارایى یێن هه‌رێما كوردستانێ دا.

زێدەتر دەربارەی