"شۆرەشا گولانێ هێڤێنێ پێکڤەژیان و ئێکڕێزیێ یە"

بەلاڤ بکە

گاڤ

سەرۆک نێچیرڤان بارزانی و سەرۆکوەزیر مەسروور بارزانی پەیامێن جودا د سالرۆژا شۆرەشا گولانێ دا بەلاڤ کرن و هیڤی خواستن نوکە ژی وەک سەردەمێ شۆرەشێ کورد ئێک بگرن.

نێچیرڤان بارزانی، سەرۆکێ هەرێما کوردستانێ و جێگرێ ئێکێ یێ سەرۆکێ پارتی دیمۆکراتی کوردستان د پەیامەکێ دا راگەهاند: شۆرەشا گولانێ سەلماند کو چ پلان و پیلانگێری هەرچەند دمەزن بن نەشێن ئیرادەیا گەلێ کوردستانێ بشکێنن و هیڤی خواست گەلێ کوردستانێ شۆرەشا گولانێ بکەنە هێڤێنێ پێکڤەژیان و ئێکڕێزیێ و ب هەڤرا کار بۆ چارەکرنا کێشەیان و دەربازکرنا سەختیان بکەن.

هەر د یادا شۆرەشا گولانێ دا، مەسروور بارزانی، جێگرێ سەرۆکێ پارتی دیمۆکراتی کوردستان د پەیامەکێ دا راگەهاند: هەرچەندە شۆرەشا گولانێ د سەردەمەکێ دژوار دابوو، لێ شیا د دەمەکێ کێم دا ببیتە جهێ هیڤی و ئۆمێدێن کوردستانیان و ئێک ژ بەرهەمێن شۆرەشا گولانێ ئاشتبوونا نشتیمانی و ئێکڕێزی و هەڤهەلوەستیا هێز و لایەنێن کوردستانێ بوو.

زێدەتر دەربارەی