گاڤ – تایبەت

بەری دەمەکێ کێم و د ناڤبەرا دەمژمێر 2:10 تا 2:25 خۆلەکی نیڤرۆیا ئەڤرۆ رۆژا ئەینی 26-5-2023یێ فرۆکەیێن تورکیا  5 جاران سنۆرێ دەڤەرداریا ئامێدیێ بۆمبەباران کر.

دو وەلاتیێن دەڤەرێ بۆ گاڤ گۆت: دو جاران گوندێ سگێرێ، جارەکێ سۆرێ سگێرێ، جارەکێ گەلیێ کویر ل هنداڤی گوندێ گوهەرزێ و جارەکێ ژی چیایێ ئەلهۆی ل هنداڤی بەرێسیلێ ژلایێ فرۆکەیێن تورکیاڤە هاتنە بۆمبەباران کرن.

وان وەڵاتیان ئاماژە ب وێ ئێکێ ژی دا کو بۆمبەبارانێن ڤێ جارێ گەلەک بهێزبوون و تا نوکە زیان ددیار نینن.