حكومهتا ههرێمێ: گوهۆڕینێن دوهى د بودجهى دا هاتینه كرن د نهدهستوورى نه و پێگیریێ پێ ناكهین
گاڤ
حكومهتا ههرێما كوردستانێ راگههاند كو ئهو گوهۆڕێنێن دوهى پێنجشهمبیێ د پرۆژهیاسایا بودجهیا ئیراقێ دا هاتینه كرن د نهدهستوورى نه و پێگیریێ پێ ناكهین.
د راگههاندنهكا حكومهتا ههرێمێ بهرى دهمهكێ كێم دا هاتیه؛ ئهو گوهۆڕینێن ژ لایێ پشكهك ژ ئهندامێن لژنهیا دارایى یا جڤاتا نوینهرێن ئیراقێ ل رێكهفتى 25/5/2023 د پرۆژهیاسایا بودجهى دا ل دژى ههرێما كوردستانێ هاتینه كرن، د نهدهستوورى نه و دژى رێككهفتنا حكومهتا ههرێمێ و حكومهتا فیدرالى نه.
دیار ژى كریه كو ئهڤ گوهۆڕینه ههروهسا دژى پرهنسیپێن رێككهفتنا حكومهتا برێڤهبرنا دهولهتێ و بهرنامهیێ وێ كابینهیێ یه كو د پهرلهمانى دا دهنگ ل سهر هاتیه دان.
تێدا هاتیه ژى: ئهم وهك حكومهتا ههرێمێ ب چ شێوهیان ڤێ ستهمكاریێ و پنپێكرنا مافێن خهلكێ كوردستانێ قهبویل ناكهین و پێگیریێ ب چ بڕیارێن دى ناكهین ژبلى وێ رێككهفتنا ژ بهرى نوكه یا ل گهل حكومهتا سوودانى هاتیه كرن.