بهایێ تۆڕا تویتهرى بهرهڤ نزمبوونهكا مهزن ڤه چوو و بوو 15 ملیار دۆلار
گاڤ
بهایێ بازارى یێ تۆڕا تویتهرى د دهمێ حهفت ههیڤان دا بهرهڤ كێمبوونهكا مهزن ڤه چوویه و د نوكه دا بوویه 15 ملیار دۆلار.
پشتى كڕینا ئیلۆن ماسكى بۆ تویتهرى، بهایێ وێ تۆرێ بهردهوام د نزمبوونێ دایه و ژ 44 ملیار دۆلاران ل دهمێ كڕینا ماسكى بۆ تۆڕێ بهرهڤ 15 ملیار دۆلاران دابهزى یه.
كۆمپانیا فیدێلتى یا خزمهتگۆزارى و وهبهرهێنانێن دارایى راگههاند كو تۆڕا تویتهرى د نوكه دا ب تنێ 33% ژ بهایێ خۆ ب ههڤبهركرن ل گهل بهایێ كڕینا ماسكى بۆ وێ تۆڕێ مایه و دیاركریه "بهایێ بازارى یێ تویتهرى د نوكه دا 15 ملیار دۆلارن".
ئيلۆن ماسكى ل 27/10/2022 ههڤبهستا كڕینا تویتهرى ب بهایێ 44 ملیار دۆلاران تهمامكربوو و ژ وى دهمى تا نوكه وى ژمارهیهكا گوهۆڕینێن كارگێرى و تهكنیكى د كۆمپانیێ و وێ تۆڕا جڤاكى دا ئهنجامداینه.
ماسكى ل ههیڤا ئادارا بۆرى راگههاند بوو كو بهایێ بازارى یێ تۆڕا تویتهرى كێمبوویه و گههشتیه 20 ملیار دۆلاران.