“ژ به‌ر راوه‌ستیانا هنارتنا په‌ترۆلا هه‌رێمێ دێ ره‌وشا ئابوورى ل ئیراقێ پاشڤه‌چیت”

بەلاڤ بکە

 

گاڤ

شاره‌زایێن سندۆقا دراڤى یا نێڤده‌وله‌تى دیاركرن كو پشتى راوه‌ستیانا هنارتنا په‌ترۆلا هه‌رێمێ و كێمكرنا ئۆپێك بۆ به‌رهه‌مئینانا په‌ترۆلێ دێ ره‌وشا ئابوورى یا ئیراقێ پاشڤه‌چیت.
ژماره‌یه‌كا شاره‌زایێن سندۆقا دراڤى كو ل گه‌ل ئیراقێ ل وه‌لاتێ ئوردنێ ژ 24 تا 31ى گۆلانێ كۆمببوون، دیاركرن كو گه‌شه‌پێدانا ئابوورێ ئیراقێ د هه‌یڤێن بۆرى دا سست بوویه‌ پشتى كو د قووناغا پشتى ب دویماهیك هاتنا په‌ژیكا كۆرۆنایێ دا گه‌شه‌كرى.
ل دۆر ئه‌گه‌رێن دیتنا وان یا ره‌شبینانه‌ بۆ ئابوورێ ئیراقێ خۆیاكرن "كێمكرنا ئیراقێ بۆ به‌رهه‌مئینانا په‌ترۆلێ ب رێژه‌یا 5% وه‌ك پێگیریكرن ب بڕیارا ئۆپێك، راوه‌ستیانا هنارتنا په‌ترۆلێ ب رێكا بۆریا كه‌ركووك – جیهان و گوهۆڕینێن د بازارێ خه‌رجكرنێ یێ بیانى دا دێ كارتێكرن ل سه‌ر ئابوورێ ئیراقێ هه‌بن".
ديار ژى كرینه‌؛ سه‌رجه‌مێ به‌رهه‌مێ ناڤخۆیى یێ نه‌په‌ترۆلى یێ ئیراقێ د چارێكا دویماهیێ دا ژ سالا 2022 ب رێژه‌یا 9% ل سه‌ر بنیاته‌كێ سالانه‌ كێمبوویه‌.
دهێته‌ چاڤه‌رێكرن ل گۆره‌ى شاره‌زایان كو تێكرایێ هه‌لئاوسانێ ل ئیراقێ د سالا 2023 دا بگه‌هیته‌ 5.6%.

زێدەتر دەربارەی