كریستیانۆ رۆنالدۆ نویترین هه‌لویست ل دۆر پاشه‌رۆژا خۆ ل گه‌ل نه‌سر رادگه‌هینیت

بەلاڤ بکە

 

گاڤ

 

ستێرا هه‌لبژارتیێ پورتۆگالێ و یانه‌یا نه‌سر یا سعوودى نویترین هه‌لویستێ خۆ ل دۆر به‌رده‌وامیێ د یاریكرنێ دا ل گه‌ل یانه‌یا نه‌سر راگه‌هاند.

یانه‌یا نه‌سر یا سعوودى د مێركاتۆیا زڤستانێ دا ب بلندترین مووچه‌ د دیرۆكێ دا، 200 ملیۆن یۆرۆ بۆ هه‌ر ساله‌كێ، هه‌ڤبه‌ست ل گه‌ل كریستیانۆ رۆنالدۆى ئیمزا كربوو لێ یانه‌ نه‌شیا د ڤى وه‌رزى دا چ ناسناڤان ببه‌ت له‌وا هنده‌ك نووچه‌ ل دۆر چوونا رۆنالدۆى بۆ یانه‌یه‌كا دى به‌لاڤبووینه‌.

كریستیانۆ رۆنالدۆ ئه‌ڤرۆ پێنجشه‌مبیێ راگه‌هاند "ئه‌ز یێ كه‌یفخۆشم د یاریكرنێ دا ل خۆلا سعوودیه‌ و حه‌ز دكه‌م ل گه‌ل یانه‌یا نه‌سر به‌رده‌وام ببم".

ديار ژى كر كو وى ل ده‌ستپێكێ پێشبینی دكر كو یانه‌ ناسناڤه‌كێ د ئه‌ڤ ساله‌ دا ببه‌ت و گۆت ژى "لێ هه‌مى ده‌مان ره‌وش وه‌سا برێڤه‌ناچیت وه‌كى مه‌ دڤێت یان وه‌كى پێشبینى دكه‌ین".

رۆنالدۆ ئاماژه‌ ب وێ چه‌ندێ ژى كر كو "خۆلا سعوودیه‌ یا ته‌پاپێى ل ده‌مه‌كێ دێ بیته‌ ئێك ژ بهێزترین پێنج خۆلان ل جیهانێ ئه‌گه‌ر تا پێنج سالێن دى ل سه‌ر هه‌مان رێباز بچیت".

خۆیا‌ ژى كر كو ژێرخانه‌یا خۆلا سعوودیه‌ پێدڤى ب پێشڤه‌برنێ یه‌ و زێده‌ كر "پێدڤیه‌ ریتما دادڤانان و سیسته‌مێ ڤار بهێنه‌ بله‌زكرن و پێشڤه‌برن".

زێدەتر دەربارەی