كۆمپانیا ئهمازۆن ب پتر ژ 30 ملیۆن دۆلاران هاته سزادان
گاڤ
دهستههلاتێن فیدرالى یێن ئهمریكى بڕیارا سزادانا كۆمپانیا ئهمازۆن ب كۆژمهیێ پتر ژ 30 ملیۆن دۆلاران ژ بهر بنپێكرنا تایبهتمهندیان دهركر.
ئاژانسان بهلاڤكرینه؛ لژنهیا بازرگانیێ یا فیدرالى بڕیارا سزادانا ئهمازۆن ب بهایێ پتر ژ 30 ملیۆن دۆلاران دا پشتى بكارئینانا ڤیدیۆیێن زهنگا ئاگههداركرنا دهرگههى Ring و هاریكارێ وێ یێ دهنگى Alexa ب بهروڤاژى یاسایا FTC ئهوا كو رێكێ ل سهرهدهریێن بازرگانى یێن نهدادپهروهرانه یان فێلبازانه دگریت.
كۆمپانیا ئهمازۆن یا كڕین و فرۆشتنا كهلوپهلان ب ئۆنلاین، گرتهیێن ڤیدیۆیى یێن بكارهینهران یێن ب رێكا كامیرهیێن زهنگا ئاگههداركرنێ یا دهرگههى هاتینه وێنهكرن، ژێنهبربوون، ههرچهنده ل سهر پێدڤیه كو ههر تشتهكێ كامیره وێنه بكهت، ژێببهت.
كۆمپانى ژ بهر ڤێ كهیسێ، ب 5.8 ملیۆن دۆلاران هاته سزادان.
ههروهسا د سكالایهكا دى دا، لژنهیا بازرگانى دیاركر كو ئهمازۆن سهرپێچیا رێككهفتنا پاراستنا زارۆكان ب رێكا ئهنترنێتێ كریه ئهو ژى ب رێكا پاراستنا وێ بۆ زانیاریێن ب هزاران زارۆكان بهروڤاژى یاسایان ب رێكا هاریكارێ وێ یێ دهنگى Alexa.
ئهمازۆن ل سهر ئێكلاكرنا ڤێ كهیسێ ب رێكا دانا سزایێ دارایى یێ 25 ملیۆن دۆلاران رازیبوو.