گاڤ

ل ئسپانیا لێکۆلین د کەیسێن هەبوونا دەستدرێژیا سێکسی ل دێران دهێتە کرن و تا نوکە نێزیکی هزار حالەتان پشتڕاست بووینە.

رۆژنامەیا وال ستریت جۆرنال ژ زارێ ژێدەرەکی ژ کۆنگرەیێ قەشەیێن کاسۆلیک راگەهاند: ل گۆرەی دویڤچوونێن وان دیار بوویە کو د 80 سالێن بۆری دا ل دێرێن ئسپانیا ب هزاران جاران دەستدرێژیا سێکسی ژ ئالیێ رەبەنان ڤە ل سەر کەسێن دی هاتیە کرن.

هەروەسا خۆیا کر: ژ سالێن هزار و نەهسەد و چلان تا ئەڤسالە 927 قوربانیێن دەستدرێژیێن سێکسی و خراب سەرەدەریکرنێ ب فەرمی ئالیێن پەیوەندیدار ئاگەهدار کرینە، ٪99 یا کەسێن دەستدرێژی کری رەگەزێ نێر بووینە و هەروەسا ٪83 یا قوربانیان ژی ژ رەگەزێ نێر بوون.