داكهفتنا لیرهیێ توركیا ریكۆردهكا دى تۆماركر
گاڤ
دراڤێ نیشتیمانیێ توركیا (لیره)ى همبهر دۆلارێ ئهمریكى بهردهوامه لسهر داكهفتنێ و ئهڤرۆ ریكۆردهكا دى یا داكهفتنێ تۆمار كر.
ئهڤرۆ رۆژا شهمبى، ل بۆرسهیێن توركیا ئێك دۆلارێ ئهمریكى گههشته، 21 لیرهیان پاشى ل 20.96 لیرهیان جێگیربوو، ههروهسا ئێك یۆرۆ ب 22.50 لیرهیان مامهڵه پێ هاته كرن.
داكهفتنا نوى یا بهایێ لیرهیێ توركى كو ژ ئهنجامێ نهسهقامگیریا بازارێن دراڤى یه كو پشتى گهڕا دووێ یا ههلبژارتنێن تركیا بانكا ناڤهندى دهستكاریا رێژهیا قازانجا بانكى نهكرى یه.
بانكا ناڤهندیا تركیا ل سالا بۆرى چار جاران لسهر ئێك قازانجێ بانكى كێمكر و دكۆمبوونا شوباتا ئهڤسالهدا قازانجێ بانكى ژ 9% بۆ 8.5% كێمكر.
ژلایهكێ دیڤه ل گۆرهى ئامارا بلۆمبێرگ ئێچ تى، ل ههیڤا كانوینا دووێ یا 2022ێ بۆ ئێكهمجاره گوهۆڕینا پێنج سالێن قهرێن تركیا بكهڤیته دبن 500 خالان دا.