هندستان.. د لێكدانا 3 ترێنان دا نێزكى 300 كهسان گیانێ خۆ ژ دهستدا
گاڤ
رێڤهبهرێ گشتى یێ خزمهتگۆزاریێن ئاگرڤهمراندانێ ل ویلایهتا ئۆدێشا راگههاند، ژبهر پێكدادانا سێ ترێنان ل رۆژههلاتا هندستانێ ب كێمى 288 كهسان گیانێ خۆ ژ دهستدا.
سودانشۆ سارانگی رێڤهبهرێ گشتى یێ خزمهتگۆزاریێن ئاگرڤهمراندانێ بۆ ئاژانسا فرانس پرێس راگههاند، د رویدانهكا پێكدادانێ دا دناڤبهرا سێ ترێنان دا ب كێمى 288 كهسان گیانێ خۆ ژ دهستدا، ههروهسا 850 كهسێن دى بریندابوون.
گۆت ژى، هژمارا وان كهسێن گیانێ خۆ ژ دهستداین، بهرهڤ زێدهبونێ یه و ل گۆرهى بهرپرسێن ویلایهتا ئۆدێشا تا 850 برینداران بۆ نهخۆشخانهیێ هاتینه ڤهگوهاستن.
ژلایێ خۆڤه ئهمیتاب شارما رێڤهبهرێ هێلا ئاسنى یا هندستانێ دا زانین رویدان د ناڤبهرا دو ترێنێن ڤەگوهاستنا وەلاتیان و ترێنەکا بارههلگر دا چێوویه كو ل جهێ بوویهرێ یا راوهستیاى بوو.
دیاركر ژى تیمێن هەوارهاتنێ یێن بۆ رزگاركرنا برینداران كار دكهن و ترسا وێ ئێكێ ههیه هژمارا مریان زێده ببیت.