گاڤ

لژنا دارایى یا په‌رله‌مانێ ئیراقێ ئه‌ڤرۆ شه‌مبیێ راگه‌هاند كو هه‌ولێر و به‌غدا دێ گه‌هنه‌ رێككه‌فتنه‌كێ ل دۆر بودجێ.
ئه‌ندامه‌كێ لژنا دارایى یا په‌رله‌مانێ ئیراقێ ئاماژه‌ ب وێ چه‌ندێ كر كو حكومه‌تێن هه‌رێمێ و یا فیدرالى دێ گه‌هنه‌ هنده‌ك چاره‌یێن ناڤین ل دۆر بڕگه‌یێن هه‌لاویستى یێن مادده‌یێن 13 و 14 د پرۆژه‌یاسایا بودجا ئیراقێ بۆ سالێن 2023،2024 و 2025 دا.
مو‌عین كازمى بۆ شه‌فه‌ق نیوز دیاركر كو چارچووڤه‌یێ هه‌ماهه‌نگیێ گه‌هشته‌ رێككه‌فتنه‌كێ ل گه‌ل پارتى دیمۆكراتى كوردستان ل دۆر میكانیزما ده‌ستوورى یا به‌رهه‌مئینانا په‌ترۆلا هه‌رێما كوردستانێ.
ئاشكرا ژى كر "گۆتوبێژ دناڤبه‌را هه‌ولێر و به‌غدایێ دا ل دۆر مادده‌یا 14 یا كو ژ 12 بڕگه‌یان پێكدهێن د به‌رده‌وامن، 6 ژ وان رازیبوونا لایه‌نان ل سه‌ر هه‌یه‌ و 6 بڕگه‌یێن دى هه‌رێما كوردستانێ وه‌ك مایتێكرن د كاروبارێن ناڤخۆیى یێن وێ دا دهژمێریت".
ناڤهاتى خۆیا ژى كر؛ گۆتوبێژ ل دۆر برێڤه‌برنا ده‌رگه‌هێن سنوورى دناڤبه‌را حكومه‌تێن هه‌رێمێ و فیدرالى دا به‌رده‌وامن.
ئه‌و ئێك ژى نه‌ڤه‌شارت كو "هه‌ولێر و به‌غدا دێ گه‌هنه‌ هنده‌ك چاره‌یێن ناڤین د حه‌فتیا بهێت دا و لژنا دارایى دێ گوهۆڕینان د بودجه‌یێ دا كه‌ت و بۆ په‌رله‌مانى بۆ ده‌نگدانێ ل سه‌ر هنێریت".