فرۆكه‌یێن جه‌نگى یێن ئیراقێ 10 چه‌كدارێن داعش كوشتن
06/03/2023 - 19:21
بەلاڤ بکە
گاڤ
شانه‌یا راگه‌هاندنا ئه‌منى راگه‌هاند كو فرۆكه‌یێن جه‌نگى یێن ئیراقێ ده‌هـ چه‌كدارێن داعش د ده‌مێ 24 ده‌مژمێرێن بۆرى دا ل زنجیره چیایێن حه‌مرین كوشتن.
شانه‌یا راگه‌هاندنا ئه‌منى د به‌یانه‌كێ دا ئه‌ڤرۆ شه‌مبیێ دیاركر "هێزێن به‌ڕه‌ڤانیا ئاسمانى یا ئیراقى ل گه‌ل ده‌زگه‌هێ دژه‌تیرۆرێ شیان د 24 ده‌مژمێرێن بۆرى دا 10 تیرۆرستێن داعش د سێ ئوپه‌راسیۆنان دا ل زنجیره چیایێن حه‌مرین بكۆژن".
هه‌روه‌سا دیاركر كو ژماره‌یه‌كا جهێن خۆڤه‌شارتنێ یێن داعش هاتنه ژناڤبرن.
