وهزارهتا ساخلهمیێ 9 رێنمایى بۆ خۆپاراستنێ ژ تایا خوینبهربوونێ بهلاڤكرن
گاڤ
وهزارهتا ساخلهمیێ یا ههرێما كوردستانێ ئهڤرۆ شهمبیێ نههـ رێنمایى بۆ خۆپاراستنێ ژ نهخۆشیا تایا خوینبهربوونێ بهلاڤكرن.
وهزارهتا ساخلهمیێ راگههاند كو ل سهر راسپاردهیا د. سامان بهرزنجى وهزیرێ ساخلهمیێ ژ بۆ كونترۆلكرنا نهخۆشیا تایا خوینبهربوونێ كو نهخۆشیهكا ڤایرۆسى یا ب مهترسى یه، بڕیارا گرتنهبهرا رێكارێن پێدڤى و پابهندكرنا قهسابان ب بجهئینانا رێكارێن ساخلهمیێ هاته دان.
وهزارهتێ د گشتاندنهكێ دا بۆ رێڤهبهریێن گشتى یێن ساخلهمیێ ل پارێزگههان و ئیدارهیێن سهربخۆ نههـ رێنمایى بۆ خۆپاراستنێ ژ نهخۆشیا تایا خوینبهربوونێ بهلاڤكرینه كو ئهڤێن ل خوارێ نه:
1. سهربڕینا ئاژهلان ل مالان ب ههمى شێوهیان قهدهغهیه و پێدڤیه سهربڕین ب تنێ ل جهێن رێكپێدای بیت.
2. پێگریا قهسابان ب لبهركرنا كهلوپهلێن خۆپاراستنێ و ب تایبهت لبهركرنا دهستگوركێن لاستیكى و جلوبهرگێن تایبهت یێن خۆپاراستنێ د دهمێ سهرهدهریێ دا ل گهل ئاژهلان و گوشت و خوینا وان و ل دهمێ سهرپێچیێ دێ هێنه سزادان.
3. پشتى سهربڕینا ئاژهلان پێدڤیه ئهو جهه ب بكارئینانا كلۆرێ (5%) و ئامیرهیێن پێدڤى بهێته پاقژكرن ههروهسا كهلوپهلێن د سهربڕینێ و پارچهكرنا گوشتى دا هاتینه بكارئینان، بهێنه پاقژكرن.
4. پێدڤیه وهلاتى گوشتێ سۆر ل جهێن رێكپێدایى بكڕن و دهستگوركان لبهربكهن و ئاگههدار بن كو دهستێن وان د بریندار نهبن ههروهسا تهختێ پارچهكرنا گوشتى ژ تهختێ كهسكاتیان جودا بیت و پاشى جهێ پارچهكرنا گوشتى ب ئاڤا گهرم و سابوونێ باش بهێته پاقژكرن وهكى د خالا 3 دا هاتى و گوشت ب تهمامى بهێته كهلاندن.
5. لبهركرنا جلوبهرگێن هچك درێژ و رهنگ تاڕى ل دهمێ سهرهدانا وان جهێن گهنه تێدا ههروهسا بكارئینانا كرێمێن تایبهت ب دویرخستنا مێروویان و گهنهیان ژ لهشێ مرۆڤى.
6. پێدڤیه رێڤهبهریێن ساخلهمیێ ههماههنگیێ ل گهل رێڤهبهریێن ڤێتهرنهریێ و چاندنێ ل دۆر رێكارێن وان سهبارهت ب بكارئینانا قڕكهران بكهن.
7. تهكهزكرن ل سهر هوشیاریا ساخلهمیێ بۆ پاراستنا وهلاتیان ب رێكا ههوێن جودا جودا و بهلاڤكرنا رێنماییان.
8. بجهئینانا چالاكیێن رشاندنا جهێن گهنهیان ل گۆرهى پلانا سالانه یا كونترۆلكرنا نهخۆشیێن ڤهگوهاستى.
9. پابهندبوونا كارمهندێن ساخلهمیێ ب لبهركرنا كهرهستهیێن خۆپاراستنا كهسۆكى ب شێوهیهكێ زانستى یێ دروست.